पुणे : हडपसर भागात झालेल्या तरुणाचा खून प्रकरणाचा उलगडा करण्यात पोलिसांना यश आले. मित्र व्यसन करत असल्याची माहिती त्याच्या कुटुंबीयांना दिल्याने मित्रांनी तरुणाचा खून केल्याचे तपासात उघडकीस आले.
या प्रकरणी वैभव गणेश लबडे (वय ३१, रा. हिंगणे आळी, हडपसर), ज्ञानेश्वर दत्तू सकट (वय २७, रा. रामोशी आळी, हडपसर) यांना अटक करण्यात आली. अमोल ऊर्फ भावड्या मारुती माने (वय ३९, रा. रामोशी आळी, हडपसर) असे खून झालेल्याचे नाव आहे. गुरुवारी (ता. १९) माने रक्ताच्या थारोळ्यात पडल्याची माहिती पोलिसांना मिळाली होती.
त्यानंतर पोलिसांनी त्याला रुग्णालयात दाखल केले होते. मात्र उपचारांपूर्वीच त्याचा मृत्यू झाला होता. तांत्रिक तपासात माने याचा खून लबडे आणि त्याचा साथीदार सकट यांनी केल्याची माहिती पोलिसांना मिळाली होती. पोलिसांनी दोघांना ताब्यात घेतले. चौकशीत माने याने आरोपी व्यसने करीत असल्याची माहिती पत्नी आणि आईला दिल्याने माने याचा खून केल्याचे निष्पन्न झाले.
पोलिस उपायुक्त आर. राजा यांच्या मार्गदर्शनाखाली वरिष्ठ पोलिस निरीक्षक संतोष पांढरे, गुन्हे शाखेचे निरीक्षक नीलेश जगदाळे, सहाय्यक निरीक्षक अर्जुन कुदळे, उपनिरीक्षक महेश कवळे, सुशील लोणकर, संदीप राठोड, जोतीबा पवार आणि समीर पांडुळे यांनी ही कामगिरी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.