TMB26B03798
सोलापूर ः टेंभुर्णीचे पोलिस निरीक्षक नारायण पवार यांना पालकमंत्री जयकुमार गोरे यांच्या हस्ते प्रशंसापत्र देऊन सन्मानित करण्यात आले. यावेळी पोलिस अधीक्षक अतुल कुलकर्णी, मुख्य कार्यकारी अधिकारी कुलदीप जंगम.

टेंभुर्णीचे पोलिस निरीक्षक पवार यांचा सन्मान

टेंभुर्णी, ता. ३ : गंभीर गुन्ह्याची उकल केल्याबद्दल टेंभुर्णीचे पोलिस निरीक्षक नारायण पवार यांना पालकमंत्री जयकुमार गोरे यांच्या हस्ते व जिल्हा पोलिस अधीक्षक अतुल कुलकर्णी व जिल्हा परिषदेचे मुख्यकार्यकारी अधिकारी कुलदीप जंगम यांच्या प्रमुख उपस्थितीत प्रशंसापत्र देऊन सन्मानित करण्यात आले.
टेंभुर्णीचे पोलिस निरीक्षक नारायण पवार यांनी दाखल झालेल्या अनेक गंभीर स्वरूपाचे गुन्हे उघडकीस आणले आहेत. अरण येथील अल्पवयीन मुलाचा त्यांच्या भावकीतील मुलांनी खून केला होता. या गुन्ह्याचा उत्कृष्टपणे तपास करून गुन्ह्याच्या तपासात साखळी पूर्ण करून दोन आरोपी अटक करून त्यांच्यावर दोषारोप पत्र पाठवले आहे.
भीमानगर येथे बार्शी येथील भाऊ दारू पिऊन त्रास देतो म्हणून बार्शी येथून भीमानगरला आणून त्याचे डोक्यात दगड घालून खून केला होता. याची कायदेशीरीत्या तपास करून तत्काळ गुन्हा उघडकीस आणून एक सख्खा भाऊ व एक मावस भाऊ व इतर असे आरोपी अटक करून गुन्हा उघडकीस आणला.
एका महिलेने कारमध्ये बेंबळे चौक येथे बसवून तिला पुढे सोडतो असे सांगून तिचे डोळ्यात चटणी टाकून सोन्याचे दागिने व रोख रक्कम जबरदस्तीने काढून घेतली होती. यातील चोरीस गेलेले दागिने व रोख रक्कम हस्तगत करून दोघांना अटक करून दोषारोप पत्र पाठवले. या कामगिरीबद्दल पोलीस निरीक्षक नारायण पवार यांना सन्मानित करण्यात आले. याबद्दल अनेकांनी त्यांचे अभिनंदन केले.