बारामती : आर्किटेक्चरच्या प्रथम वर्षाच्या प्रवेशासाठी कौन्सिल ऑफ आर्किटेक्चर (नवी दिल्ली) यांच्यामार्फत नॅशनल एप्टीट्यूड टेस्ट इन आर्किटेक्चर (नाटा) या प्रवेश परीक्षेची नावनोंदणी सुरु झाली आहे.

आर्किटेक्चर पदवीचा अभ्यासक्रम पाच वर्षांचा आहे. शैक्षणिक वर्ष 2023-2024 मध्ये आर्किटेक्चरची प्रवेश परीक्षा नाटा विद्यार्थ्यांना तीन वेळा देण्याची सोय असून प्रथम परीक्षेचा ऑनलाईन नोंदणीचा कालावधी 20 मार्च 2023 ते 10 एप्रिल 2023 असून सदर पहिली परीक्षा 21 एप्रिल 2023 रोजी होईल. दुसरी परीक्षा 28 मे 2023 आणि तिसरी परीक्षा 9 जुलै 2023 रोजी घेण्यात येईल. सदर नाटा परीक्षेच्या नोंदणीसाठी व अधिक माहितीसाठी www.nata.in या संकेतस्थळाचा आधार घ्यावा.

सदर नाटा परीक्षेसाठी 12 वी विज्ञान मान्यताप्राप्त मंडळाची परीक्षा गणित, भौतिकशास्त्र, रसायनशास्त्र (पीसीएम) हा ग्रुप घेऊन परीक्षेस बसलेले तसेच 10+2 महाराष्ट्र राज्य टेक्निकल बोर्डाचा डिप्लोमा गणित विषय घेऊन परीक्षेस बसलेले विद्यार्थी नाटा परीक्षेस पात्र आहेत. अधिक माहितीसाठी विद्या प्रतिष्ठानचे स्कूल ऑफ आर्किटेक्चर, बारामती येथे सकाळी 10 ते 5 या वेळेत भेटण्याचे आवाहन महाविद्यालयाच्या प्राचार्यांनी केले आहे.