नागठाणे महाविद्यालयात
आज राष्ट्रीय चर्चासत्र
​
नागठाणे, ता. २७ : येथील आर्टस्‌, कॉमर्स ॲण्ड सायन्स कॉलेजमध्ये उद्या (बुधवार) राष्ट्रीय चर्चासत्राचे आयोजन करण्यात आले आहे. त्याला देशाचे माजी परराष्ट्र सचिव डॉ. ज्ञानेश्वर मुळे यांची प्रमुख उपस्थिती लाभणार आहे.
‘देशाच्या विकासात भारतीय डायस्पोराची भूमिका’ या विषयावर हे एकदिवसीय चर्चासत्र होणार आहे. श्री स्वामी विवेकानंद शिक्षण संस्थेच्या सचिव प्राचार्या शुभांगी गावडे यांच्या हस्ते चर्चासत्राचे उद्‌घाटन होणार आहे. ​त्यात डॉ. ज्ञानेश्वर मुळे यांचे बीजभाषण होणार आहे. गोवा विद्यापीठाचे प्रा. डॉ. के. श्रीपाद भट, अहमदपूरचे प्रा. डॉ. महेश निवर्गी हे दिग्गज संशोधकही मार्गदर्शन करणार आहेत. यावेळी निवडक शोधनिबंध सादरीकरणाचे सत्र आयोजिण्यात आले आहे. चर्चासत्रासाठी आलेल्या शोधनिबंधांचे प्रकाशनही होणार असल्याची माहिती प्राचार्य कॅप्टन डॉ. महेश गायकवाड, डॉ. सुरेश पाटील यांनी दिली.

​
​