पुणे : कात्रज येथील नवीन बोगद्याच्या अंतर्गत भागात एका अनोळखी व्यक्तीचा मृतदेह गुरुवारी दुपारी अडीच वाजता आढळुन आला. संबंधित व्यक्ती ही भिक्षेकरी असण्याची शक्यता भारती विद्यापीठ पोलिसांनी व्यक्त केली आहे.

गुरुवारी (ता.17) कात्रज नवीन बोगद्याच्या अंतर्गत भागात देखभाल दुरुस्तीचे काम करणाऱ्या मजुरांना तेथील पाइपलाइनमध्ये 30 ते 35 वयोगटातील एका अनोळखी व्यक्तिचा मृतदेह निदर्शनास आले. हि माहिती दुपारी दोन वाजता पोलिसांच्या नियंत्रण कक्षाला आल्याची माहिती मिळाली. मिळालेल्या माहितीवरुन भारती विद्यापीठ पोलिस घटनास्थळी दाखल झाले. त्यावेळी संबंधीत व्यक्तीचा मृतदेह ताब्यात घेऊन ससुनला पाठविण्यात आला.