पुणे : शिवछत्रपती राज्य क्रीडा जीवनगौरव पुरस्काराची रक्कम मुख्यमंत्री सहायता निधीसाठी देण्याचा निर्णय घेतल्याची माहिती पुरस्कार विजेते पंढरीनाथ पठारे यांनी दिली. त्यांच्या या निर्णयाचं केवळ कुस्तीच नव्हे तर, संपूर्ण क्रीडा क्षेत्रातून स्वागत होत आहे.

ताज्या बातम्यांसाठी डाऊनलोड करा ई-सकाळचे ऍप

यासंदर्भात पुरस्कार विजेते पंढरीनाथ पठारे यांनी मुख्यमंत्र्यांना पत्र लिहिले आहे. त्यानुसार, राज्यातील कुस्ती क्षेत्रासाठी दिलेल्या योगदानाची दखल घेऊन राज्य सरकारने हा पुरस्कार देऊन माझा सन्मान केला त्याबद्दल मी राज्य सरकारचा मनःपूर्वक ऋणी आहे या सन्मानामुळे कुस्ती क्षेत्राच्या विकासाची काम करण्यासाठी मला अधिक बळ मिळाले असून माझ्या वाढलेल्या जबाबदारीची मला जाणीव आहे. आजवर अनेक गुणवान कुस्तीपटूंना मार्गदर्शन करून त्यांना घडविण्याचे काम मला करता आले, याचा मनस्वी आनंद आहे, पठारे यांनी सांगितलं.

पुण्याच्या बातम्यांसाठी येथे ► क्लिक करा 

आणखी वाचा - बांग्लादेशींच्या शोध मोहिमेतील ते निघाले भारतीय

माझ्या देहात प्राण असेपर्यंत कुस्ती क्षेत्राची सेवा यापुढेही अविरतपणे आणि निष्ठेने चालू ठेवण्याचा माझा निर्धार आहे. कुस्ती क्षेत्रातील अनेक खेळाडूंना घडविण्यासाठी मार्गदर्शकांसोबतच त्यांच्यातील गुण विकासासाठी मी प्रयत्न करीत आहे. सामाजिक बांधिलकीच्या जाणिवेतून मला पुरस्कारासोबत मिळत असलेली तीन लाख रुपये इतकी रक्कम राज्यातील गरजूंच्या मदतीकरिता मुख्यमंत्री सहायता निधीकडे सुपूर्द करीत असल्याचे पठारे यांनी जाहीर केले.