पंढरपुरात आज महाआरोग्य शिबिर
..........
पंढरपूर : शिवजयंती सप्ताहानिमित्त येथील अखिल भारतीय मराठा महासंघाचे युवक अध्यक्ष शुभम ताठे-देशमुख यांच्या वतीने मंगळवारी (ता. २४) महाआरोग्य शिबिराचे आयोजन करण्यात आले आहे. गांधी रोड येथील सणगर समाज मठामध्ये आयोजित करण्यात आलेल्या या शिबिराचे उद्‍घाटन माजी आमदार प्रशांत परिचारक, आमदार समाधान आवताडे, आमदार अभिजीत पाटील, पंढरपूर नगरपालिकेच्या नगराध्यक्ष प्रणिती भालके, मराठा महासंघाचे जिल्हाध्यक्ष अर्जुन चव्हाण, पंढरपूर शहर पोलिस ठाण्याचे पोलिस निरीक्षक दशरथ वाघमोडे, ताठे अगरबत्तीचे सागर ताठे देशमुख यांच्या प्रमुख उपस्थितीमध्ये होणार आहे. या आरोग्य शिबिरामध्ये सर्व प्रकारच्या तपासण्या करण्यात येणार आहेत. तरी जास्तीत-जास्त नागरिकांनी या आरोग्य शिबिराचा लाभ घ्यावा असे आवाहन शुभम ताठे यांनी केले आहे.