Pune crime: पनशेत येथे कोयता व दगडाने मारहाणीत एक जण गंभीर जखमी झाला.शुभम विजय पोळेकर (वय.१९ ,रा.पानशेत ) असे जखमीचे नाव आहे.हा प्रकार बुधवार ( ता.२६) रोजी साडे अकरा वाजण्याच्या सुमारास पानशेत येथील पर्यटन केंद्राजवळ घडला.या प्रकरणी जखमी शुभम पोळेकर याने वेल्हे पोलीस ठाण्यात फिर्याद दिली असून गुरुवार (ता.२७)रोजी रात्री उशिरा गुन्हा दाखल केला आहे.

या प्रकरणी वेल्हे पोलिसांनी आज शुक्रवारी (ता.२८) रोजी पाच हल्लेखोरांना अटक केली आहे.रोहित तानाजी भिलारे (वय २१, रा. रुळे, ता. राजगड),साहिल अंकुश बांदल( वय २०, रा. कोल्हेवाडी, ता. हवेली), अथर्व मुकेश पवार (वय २९ रा. कोल्हेवाडी), शुभम संजय मेमाणे, (वय २२रा . कोल्हेवाडी) व पुष्पक प्रशांत देशपांडे ( वय १९ , रा पानशेत) अशी अटक करण्यात आलेल्या हल्लेखोरांची नावे आहेत.

अद्यापही आठ ते दहा हल्लेखोर फरार असून त्यांचा शोध सुरू आहे. असल्याचे वेल्हे पोलिसांनी सांगितले. या प्रकरणी वेल्हे पोलिस ठाण्याचे सहायक पोलिस निरीक्षक नितीन खामगंळ यांच्या देखरेखीखाली पोलिस उपनिरीक्षक अप्पासाहेब पडळकर तपास करत आहेत.