भोर : लॉकडाऊनमुळे कामधंदा नाही आणि मुलाबाळांची उपासमार होत असल्यामुळे शासनाकडे जीवनावश्यक वस्तूंच्या 
शिधाकिटसाठी विनवणी करणारे कामगार आज रविवारी (ता.१७) सकाळी दारुच्या दुकानासमोर दारू घेण्यासाठी रांगेत उभे होते.

ताज्या बातम्यांसाठी डाऊनलोड करा ई-सकाळचे ऍप

नेरे (ता.भोर) येथे कोरोनाग्रस्त आढळल्यामुळे भोरमधील सुरु झालेल्या कंन्टेन्मेंट झोनचा कालावधी संपल्यामुळे मद्यविक्रीची 
दुकाने रविवारपासून सुरु झाली. त्यामुळे मद्यपींमध्ये आनंदाचे वातारवण निर्माण झाले. प्रशासनाने मद्याच्या होम डिलीव्हरीला 
प्राधान्य देण्याचे आवाहन केले असतानाही शहरातील काही वाईन शॉप सकाळपासूनच उघडली गेली. त्यामुळे वाईन शॉपसमोर 
ग्राहकांच्या रांगा लागल्या. घरात मुलाबाळांना खाण्यासाठी काहीही नाही तरीही ते कामगार रांगेत उभे होते. आपणाला दारु मिळावी यासाठी सर्व ग्राहक दुकानासमोर सोशल डिस्टंन्सिंगच्या नियमांचे पालन करीत होते.  दुकानासमोर भल्यामोठ्या रांगा लागल्यामुळे पोलिसांनी मद्यविक्री बंद करावयास लावली. आणि घरपोच सेवा (होम डिलीव्हरी) सुरु करण्यास सांगितले.

पुण्याच्या बातम्या वाचण्यासाठी येथे ► क्लिक करा

रविवारी भोरमधील बाजारपेठ व सर्व दुकाने बंद असल्यामुळे बाहेरगावातील नागरिक शहरात आलेले नाहीत. परंतु सोमवार (ता.१८) पासून मात्र वाईन शॉपसमोर मोठी गर्दी होण्याची शक्यता आहे. सोमवारपासून शहरातील सर्व दुकाने ही सकाळी ७ ते सायंकाळी ७ या वेळेत उघडी राहणार आहेत. परंतु सर्वांनी सोशल डिस्टन्सिंगच्या नियमांचे पालन करणे गरजेचे असल्याचे प्रशासनाने कळविले आहे.

धोका टळलेला नाही...

भोर शहराजवळील भोलावडे येथील एका संशयितास शनिवारी (ता.१६) रात्री कोरोनाच्या तपासणीसाठी पुण्याला नेले आहे. 
वडगाव झांजे (ता.वेल्हे) येथील कोरोनाग्रस्ताच्या संपर्कात तो आला होता. वडगाव झांजेमधील कोरोनाग्रस्त हे काही दिवसांपूर्वी भोलावडे येथे येऊन गेले होते. त्यामुळे भोरवासियांकरीता कोरोनाचा धोका टळला नसल्याचे स्पष्ट होत आहे.

पुण्याच्या बातम्या वाचण्यासाठी येथे ► क्लिक करा

भोरमधील दुकाने ही सकाळी ७ ते सायंकाळी ७ वाजेपर्यंत उघडी राहणार असली तरीही. नागरिकांनी रस्त्यांवर किंवा दुकानात गर्दी करू नये आणि सोशल डिस्टन्सिंगच्या नियमांची अंमलबजावणी करावी असे आवाहन तालुका प्रशासनाकडून करण्यात आले आहे.