पिंपरी, ता. १९ ः पिंपरी चिंचवड शहराचा नवीन विकास आराखडा (डीपी) २०२५ मध्ये प्रशासनाने जाहीर केला आहे. मात्र, त्यावर सुमारे ५० हजार हरकती आल्या आहेत. त्यावरील सुनावणीसाठी नियोजन समितीची स्थापना करण्याचा प्रस्ताव आहे. त्यानुसार स्थायी समितीतील तीन सदस्यांची नियुक्ती केली जाणार आहे. सत्ताधारी भाजपचे स्थायी समितीत १६ पैकी ११ सदस्य आहेत. मात्र, त्यांच्यातून तीन सदस्यांची नावे निश्चित होण्यास विलंब होत आहे. त्यामुळे डीपीसाठी नियोजन समितीतील नियुक्ती पुन्हा लांबणीवर पडली आहे. दरम्यान, हरकतींवर सुनावणी घेऊन आराखडा शासनाच्या मान्यतेसाठी पाठविण्याकरिता १५ डिसेंबर २०२६ पर्यंत सहा महिन्यांची मुदतवाढ देण्यात आली आहे.