जुनी सांगवी : जुनी सांगवी परिसरात दुरूस्त्या दिवसा आड होणारा पाणीपुरवठा, कुठे कमी अधिक दाबाने येणारे पाणी दुरूस्त्या, देखभालीसाठी केले जाणारे पाणी बंद यामुळे जुनी सांगवी परिसरात नागरीकांना पाणी टंचाईचा सामना करावा लागत आहे. पवना धरण शंभर टक्के भरले असून याचबरोबर सध्या होत असलेला पाऊस पाहता तरीही पाणी टंचाई का अशा भावना नागरीकांमधून व्यक्त केल्या जात आहेत. यातच सुरू असलेली रस्त्यांची कामे खोदकाम करताना तुटलेल्या पाईपलाईनमुळे गतआठवड्यात येथील शितोळेनगर, मधुबन परिसराचा पाणीपुरवठ्याचे नियोजन हुकल्याने खोळंबा होवून पाणी टंचाईचा सामना करावा लागला होता.

लोणावळेकर अडकले दुहेरी कात्रीत; एकीकडे रोजीरोटीचा प्रश्न तर दुसरीकडे...

बुधवार (ता.९) रात्री वरून पावसाच्या सरी कोसळत असतानाही येथील मुळा नगर भागात टँकरद्वारे पाणी साठवणूक करण्याची नागरिकांची धांदल पाहायला मिळाली. याच बरोबर अभिनव मुळा नदी किनारा रस्ता परिसरातील तेरा कुटुंबांना गेली तिन चार महिन्यांपासून कमी दाबाने पाणी येत असल्याने त्यांना पाणीटंचाईला सामोरे जावे लागत आहे. याबाबत त्यांनी प्रशासनाकडे समस्या सोडवावी यासाठी लेखी विनंती अर्ज देखील वेळोवेळी केलेला आहे. अर्जात त्यांनी म्हटले आहे की तक्रारीनंतर आम्ही गेली तीन-चार महिन्यांपासून अपुरा व कमी दाबाने येणाऱ्या पाण्यामुळे त्रस्त आहोत. आम्ही वारंवार पाणीपुरवठा विभागाकडे विनंती अर्ज केलेले आहेत. पाणीपुरवठा विभागाचे कर्मचारी दखल घेतात येतात दुरुस्त्या करतात. मात्र प्रश्‍न आहे तसाच आहे. अर्जावर येथील रहिवासी संजय गायकवाड, भानुदास सोनवणे सुमित्रा गायकवाड, चंद्रकांत गायकवाड दिलीप अवघडे, कमलेश साठे आदींच्या सह्या आहेत.

चहाची तल्लफ बेततीये जिवावर; चहाच्या टपऱ्यांववरून वाढतोय कोरोनाचा संसर्ग?
 

''गेली तीन चार महिन्यांपासून पाणी कमी येते.''
- संजय गायकवाड, नागरीक

''येथे वेळोवेळी दुरूस्त्या केल्या गेल्या मात्र तरीही पाणी कमी दाबाने येत असल्याने गेली तीन चार महिन्यांपासून पाणी टंचाईचा त्रास होत आहे.''
- सुमित्रा गायकवाड 

''कमी पाणी मिळत असल्याने अनेकदा पिण्यासाठी व वापरासाठी ईतर ठिकाणांहून पाणी आणावे लागते.''
- दिलिप अवघडे, नागरीक 

''मी अनेकवेळा विकत पाणी घेतले आहे.यामुळे एकतर संकटकाळात आर्थिक भुर्दंड सोसावा लागत आहे.''
-भानुदास सोनवणे,नागरीक 

''यापुर्वी अनेकवेळा येथील दुरूस्त्या केलेल्या आहेत.येथील नेमकी अडचण शोधून उपाययोजना करण्यात येईल.''
- एल.ए.वायाळ- अभियंता पाणीपुरवठा विभाग जुनी सांगवी.