पुणे, ता. १५ : एका ७० वर्षीय वृद्धाने अल्पवयीन मुलीवर अत्याचार करण्याचा प्रयत्न केल्याची धक्कादायक घटना उघडकीस आली आहे. या प्रकरणी लोहगाव पोलिस ठाण्यात गुन्हा दाखल झाला. पोलिसांनी आरोपीला ताब्यात घेतले आहे.
पोलिसांनी दिलेल्या माहितीनुसार, पीडित मुलीच्या कुटुंबीयांनी दिलेल्या तक्रारीनंतर पोलिसांनी कारवाई करत आरोपीवर विनयभंग केल्याप्रकरणी शुक्रवारी गुन्हा दाखल केला. आरोपीला ताब्यात घेतले आहे. पोलिसांकडून आरोपीची चौकशी सुरू असून, घटनेमागील नेमकी परिस्थिती जाणून घेण्याचे काम सुरू आहे, अशी माहिती वरिष्ठ पोलिस अधिकाऱ्यांनी दिली. भोर तालुक्यातील नसरापूर येथे अल्पवयीन मुलीवर झालेल्या अत्याचार आणि खुनाच्या घटनेनंतर समाजात संताप व्यक्त केला जात आहे. असे असतानाच शहरात एका वृद्धाकडून अल्पवयीन मुलीवर अत्याचाराचा प्रयत्न केल्याची ही धक्कादायक घटना समोर आली आहे.