महर्षी नगर : गुलटेकडी परिसरातील नेहरू रस्त्यावर असणाऱ्या सी.एन.जी पंपावर रिक्षाचालकांची दिवसभर गर्दी पाहायला मिळाली, सकाळपासून सुरू असलेल्या पावसामुळे रिक्षाचालकांचे हाल पाहायला मिळाले. तर येथील स्थानिक नागरिकांना देखील याचा आज अधिक त्रास झाला, पंपावरील रांग ही इंदिरा नगर वसाहत पर्यत गेल्याने नागरिकांना सहन करावा लागला. मोठे चारचाकी वाहन आणि सार्वजनिक बस ला जाण्यासाठी अडचण निर्माण झाली होती.

रस्त्याच्या नजीक असणाऱ्या घरांना त्रास होतो, स्थानिक महिला गुलटेकडी येथील गणपती मंदिरा समोर बसतो, मंदिर आणि घरे यात फार अंतर नाही, सी.एन.जी पंपा मुळे रिक्षाच्या रांगा आमच्या घरा समोर लागतात, आम्हाला याचा दररोज त्रास होतो, आज गर्दी जास्त असल्याने अधिक त्रास झाला. तसेच जागे अभावी अनेक वेळा छोटे मोठे अपघात होतात, वाहतूक पोलिसांनी, पंपचालकांनी स्थानिकांचा विचार करून योग्य ती उपाययोजना करावी - शोभा परदेशी, स्थानिक महिला रहिवासी

स्वारगेट वाहतूक पोलिसांना याबाबत कळविले आहे, आवश्यक सूचना आम्ही रिक्षा चालकांना करत आहोत, शिस्त न पाळणाऱ्या चालकांवर कारवाई साठी वाहन क्रमांक वाहतूक पोलिसांना देणार आहोत. - सागर इंगळे, व्यवस्थापक, सी.एन.जी पंप, गुलटेकडी

इतर सी.एन.जी च्या तुलनेत या पंपावर जलद सेवा मिळते म्हणून या पंपावर गॅस भरण्यासाठी प्राधान्य दिले जाते. बेशिस्त रिक्षाचालकांवर कारवाई करावी यात कोणताही भेदभाव न करता कारवाई करावी. स्थानिक चालक अरेरावी करत असतील तर त्यांच्या वरही कडक कारवाई करावी - नजिर शेख, रिक्षाचालक