पुणे- पुण्यात कोरोनाबाधित रुग्णांची संख्या वाढताना दिसत आहे.  शहरात आज पुन्हा कोरोना रुग्ण संख्येचा नवा उच्चांक पाहायला मिळाला. गेल्या 24 तासांत शहरात ३५०९ नवे कोरोनाबाधित रुग्ण आढळून आले आहेत. दिवसभरात १४१० रुग्णांनी कोरोनावर मात केली असून त्यांना हॉस्पिटलमधून डिस्चार्ज देण्यात आलाय. पुण्यात गेल्या 24 तासांत 33 कोरोनाबाधित रुग्णांचा मृत्यू झालाय. यातील 9 रुग्ण पुण्याच्या बाहेरचे आहेत.  सध्या ५८९ क्रिटिकल रुग्णांवर उपचार सुरु आहेत. पुण्यातील एकूण कोरोनाबाधित रुग्णांची संख्या  २४४३४३ झाली आहे. शहरात सध्या २६५१५ कोरोनाचे सक्रिय रुग्ण आहेत. आतापर्यंत ५११४ रुग्णांचा कोरोनामुळे मृत्यू झाला आहे. आजपर्यंत २१२७१४ रुग्णांनी कोरोनावर मात केली असून त्यांना हॉस्पिटलमधून डिस्चार्ज देण्यात आला आहे. आज शहरात १६१८५ कोरोना चाचण्या घेण्यात आल्या होत्या. मुंबईमध्ये कोरोना रुग्णसंख्येने 5 हजारांचा टप्पा पार केलाय. त्यामुळे स्थिती गंभीर होताना दिसत आहे. 

दरम्यान, देशभरात कोरोनाबाधित रुग्णांची संख्या वाढत आहे. विशेषत: महाराष्ट्र आणि पंजाब राज्यांमध्ये कोरोना रुग्णसंख्येचा उद्रेक पाहायला मिळत आहे. महाराष्ट्रात गेल्या 24 तासांत 31,855 नवे कोरोनाबाधित रुग्ण आढळून आले आहेत, तर 15098 जणांना हॉस्पिटलमधून डिस्चार्ज देण्यात आला आहे. बुधवारी 95 रुग्णांचा कोरोनाने बळी घेतला आहे. कोरोना रुग्णसंख्या गेल्या काही दिवसांपासून वाढ होत असल्याचं पाहायला मिळतंय.

Corona Update: स्थिती गंभीर! राज्य

मंगळवारी राज्यात 28 हजारांच्या जवळपास कोरोना रुग्ण आढळून आले होते, तर सोमवारी 25 हजारांच्या जवळपास कोरोनाबाधित रुग्ण आढळले होते. रविवारी कोरोना रुग्णांची संख्या 30 हजारांच्या पुढे गेली होती, ती आता पुन्हा 32 हजारांच्या जवळ गेलीये. त्यामुळे कोरोना रुग्णसंख्येमध्ये चढउतार पाहायला मिळतोय. आरोग्य विभागाने यासंदर्भातील माहिती दिलीये.