पुणे

फ्लॅटचा ताबा न देता अडीच कोटींना लुबाडले

सकाळवृत्तसेवा

पुणे - फ्लॅटचे खरेदीखत करून ताबा न देता बांधकाम व्यावसायिकाने 12 जणांना सुमारे अडीच कोटी रुपयांना लुबाडल्याची घटना विमाननगर परिसरात घडली.

याप्रकरणी नितीन चव्हाण (वय 52, पिंपळे गुरव) यांनी फिर्याद दिली आहे. त्यावरून सुमीत भलोटिया आणि शहाजी उकिरडे या दोघांविरुद्ध विमानतळ पोलिस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार, भलोटिया याने विमाननगर येथील दत्त मंदिर चौकात स्कायमॅक्‍स मॉलमध्ये स्पार्क रिऍलिटी नावाने कार्यालय सुरू केले होते. आरोपींनी डोंगरगाव येथे कंपनीची साइट सुरू असल्याचे दाखवले. तसेच काहीजणांना वाडेबोल्हाई येथे स्पार्क अर्बन ब्लिस हा 25 सदनिकांचा प्रकल्प सुरू असल्याचे सांगितले. त्यांनी ऑफिसबॉयमार्फत प्रकल्प दाखवून काही नागरिकांचा विश्‍वास संपादन केला. डिसेंबर 2013 मध्ये 12 जणांना हे प्रकल्प दाखवून फ्लॅट आणि प्लॉटचे खरेदीखत करून विक्री केली. फिर्यादी चव्हाण यांच्याकडून 27 लाख 74 हजार रुपये घेतले. तसेच अन्य 11 जणांकडून दोन कोटी सात लाख 25 हजार रुपये घेतले. परंतु त्यांना अद्याप फ्लॅटचा ताबा दिला नाही. संबंधित खरेदीदारांनी कार्यालयात चकरा मारूनही टाळाटाळ केली जात होती. वाडेबोल्हाई येथील प्रकल्पही अपूर्ण स्थितीत आहे. काही महिन्यांपासून कार्यालय बंद असल्यामुळे संबंधित नागरिकांनी विमानतळ पोलिस ठाण्यात तक्रार दिली. त्यावरून दोघांविरुद्ध गुन्हा दाखल करण्यात आला आहे. पुढील तपास सहायक निरीक्षक एस. बी. खेडकर करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Rahul Gandhi: राहुल गांधींनी रायबरेली निवडल्यानं निरुपम यांचा हल्लाबोल; म्हणाले, पळून गेले...

SRH vs RR, IPL 2024: 'भयानक अंपायरिंग...', हेडची बॅट हवेत होती असं सांगत माजी भारतीय क्रिकेटरने थर्ड अंपायरवर साधला निशाणा

Anil Navgane Attack: ठाकरे गटाच्या जिल्हाप्रमुखावर हल्ला, भरत गोगावलेंच्या पुत्रासह २० ते २५ जणांवर गुन्हा दाखल

Gautam Adani: कोण आहेत गौतम अदानींचे राईट हँड? डॉक्टर ते उद्योगपती असा आहे प्रवास; चालवतात 20,852 कोटींची कंपनी

Parineeti Chopra : पतीसाठी परिणीतीच्या लंडनला फेऱ्या; राघववर पार पडली मोठी शस्त्रक्रिया

SCROLL FOR NEXT