गणेशोत्सव संपताच काल आलेल्या मुसळधार पावसाने पुणेकरांची चांगलीच फजिती केली. हा पाऊस इतका भयंकर होता की त्यामुळे अक्षरशः पूरपरिस्थिती निर्माण झाली होती. अनेक ठिकाणी रस्त्यांवर पाणी साचलं होतं, सगळ्या व्यवस्थेचा अक्षरशः बोजवारा उडाला होता.
पुण्यातल्या सिंहगड, खडकवासला यासह शहर परिसरात सायंकाळी साडेचारनंतर मुसळधार पावसाने हजेरी लावली. यामुळे चंदननगर, कोथरुड, वनाज कचरा डेपो, पाषाण, वानवडी, कात्रज उद्यान या भागांसह अनेक ठिकाणी पाणी साचलं होतं. यामध्ये काही ठिकाणी गाड्या अडकून पडल्या असून दुचाकी वाहून गेल्या आहेत. जवळपास पाच तास पडलेल्या या पावसाचं पाणी काही घरांमध्येही शिरल्याची माहिती मिळत आहे.
दरम्यान, विमाननगर चौकात वाहतूक पोलिसांनी या साचलेल्या पाण्याला वाट करून द्यायचा प्रयत्न केला आहे. या चौकात वाहतूक पोलिसांनी स्वतः हाताने चेंबरमध्ये अडकलेला कचरा काढला आणि या साचलेल्या पाण्याला वाट करून द्यायचा प्रयत्न केला आहे. 'सकाळ'च्या प्रतिनिधीने याविषयीची माहिती दिली आहे. सोशल मीडियावर काही जणांनी या पोलिसांचं कौतुक केलं असून काही जणांनी महानगरपालिकेच्या निष्क्रियतेवर नाराजी व्यक्त केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.