Rahu Latest Update: पुणे शहर परिसर आणि धरण क्षेत्र परिसरात सुरू असलेल्या संततधार पावसामुळे आज दुपारच्या सुमारास मुळा-मुठा आणि भीमा नदीवरील अनेक बंधारे पाण्याखाली गेले. मुळा मुठा आणि भीमा नदीच्या पात्रातील पाण्यात वाढ होत आहे. नदीकाठच्या गावांना सतर्कतेचा इशारा देण्यात आला आहे.

मुळा मुठा नदीवरील कोरेगाव मूळ ,दहिटणे ,राहू, वाळकी संगम, तसेच भीमा नदीवरील विठ्ठलवाडी, सांगवी सांडस, पाटेठाण, निमगाव म्हाळुंगी ,कोरेगाव भिवर, वडगाव बांडे येथील बंधारे पाण्याखाली गेल्यामुळे अनेक गावांचा संपर्क तुटला.

अचानक वाढलेल्या नदी प्रवाहातील पाण्यामुळे अनेक शेतकऱ्यांचे वीज पंप पाण्याखाली गेले .तसेच अनेक पंपाचे पाईप देखील पाण्याबरोबर वाहून गेल्याचे दिसत होते.

पोलीस प्रशासन व नदीकाठच्या गावांनी बंधा-या शेजारी नागरिकांना सतर्कतेचा इशारा म्हणून सुरक्षा व्यवस्थेचे फलक लावण्यात आले आहे.

नागरिकांनी पाणी बघण्यासाठी सेल्फीचा मोह टाळावा, ज्यादा पाण्यात शिरू नये . तरुणांनी फोटोसेशन साठी उल्लडबाजी करू नये.असे आवाहन ग्रामपंचायत प्रशासनाच्या वतीने करण्यात आले आहे.

या पुलांचा पर्यायी वाहतुकीसाठी उपयोग करावा

राहू -उंडवडी पुल, आष्टापूर -भवरापुर पूल, पिंपरी सांडस, तसेच पारगाव सा.मा. या पुलाचा पर्यायी वाहतुकीसाठी उपयुक्त करण्यात यावा. असे आव्हान सार्वजनिक बांधकाम विभाग व पोलीस प्रशासनाच्या वतीने करण्यात आले आहे.