पुणे - येथील आदित्य कोशे यांनी पुणे ते अयोध्या सायकल वारी केली. नगर, मालेगाव, जहांगीर, पुलगाव, नागपूर, ढुमा, सिहोर ,अमरपाटण, चाकघाट, अलाहाबाद व अयोध्या असा १६०० किलोमीटरचा प्रवास बारा दिवसांत पूर्ण करून कोशे अयोध्येस पोहोचले.

प्रवासात जवळपास असणाऱ्या शनिशिंगणापूर, केळझर गणपती, नागपूरचा टेकडी गणपती, रामटेकचा राम व नर्मदा दर्शनानंतर रेवाला हनुमानाचे दर्शन, तसेच काशी विश्वेश्वराचेही दर्शन घेतले. अयोध्येत पोहोचल्यावर रामलल्लाचे दर्शन घेतल्यानंतर त्यांनी बडा मारुती व इतर मंदिरांचे दर्शन घेतले.

सायकल प्रवासात वेगवेगळ्या गावातील लोकांनी ‘अयोध्येला निघालोय’ हे ऐकूनच खाण्यापासून ते राहण्यापर्यंतची सर्व सोय उस्फूर्तपणे केली, असे कोशे यांनी सांगितले. थंडीमुळे हातापायाची बोटे गोठण्याचा त्रास आणि सायकलचा स्टॅन्ड तुटणे आदी अडचणी आल्याचे त्यांनी सांगितले. परतीचा प्रवास त्यांनी २६ जानेवारीला सायकल रेल्वेत टाकून परतीचा प्रवास केला.