हॅरी पॉटर चित्रपट अनेकांनी पाहिला असेल. त्यामध्ये तो हॅरी किंवा हॉगवर्ट्समधली मुलं काहीतरी चुकीचा मंत्र म्हणतात आणि सगळा गोंधळ उडतो. वादळ येतं, किंवा जमीन हलू लागते. असंच एक वादळ काल पुण्यात आलं होतं. पण ही कोणती जादू नव्हती. मग काय होतं हे?

खाली दिलेला व्हिडीओ पाहून तुम्हाला हे नक्कीच पिक्चरमधलं एखादं दृश्य आहे असं वाटेल. पण तसं नाहीये. हे खरंच घडलंय आणि तेही पुण्यात. पुण्यात काल पावसाने अक्षरशः थैमान घातलं. सकाळी लख्ख ऊन पडलं होतं, पावसाचा मागमूसही नव्हता. मात्र दुपारनंतर मुसळधार पावसाला सुरुवात झाली आणि पुण्यात हाहाकार माजला.

अनेक ठिकाणी रस्त्यांवर झाडं पडली होती. ठिकठिकाणी वाहतूक खोळंबली होती. प्रचंड वारा वाहत होता. आणि त्यामुळेच पुण्यातल्या जिल्हाधिकारी कार्यालयामध्ये या व्हिडीओमधल्या सारखी परिस्थिती निर्माण झाली होती. कालच्या पावसामुळे जिल्हाधिकाऱी कार्यालयाचं मोठं नुकसान झालं आहे. कार्यालयात फायली या वाऱ्यामुळे अक्षरशः उडून गेल्या. शिवाय, कार्यालय परिसरात मोठी झाडंही पडली. हा व्हिडीओ सध्या सोशल मीडियावर चांगलाच व्हायरल होत आहे.