अमेरिकन नागरिकांची फसवणूक करणाऱ्या कॉल सेंटरवर छापा
पुणे : पोलिसांनी खराडी-चंदननगर परिसरात कॉल सेंटरवर छापा टाकून गुजरातच्या चार जणांना अटक केली आहे. आर्थिक व सायबर गुन्हे शाखेच्या पोलिसांनी शुक्रवारी ही कारवाई केली. या कॉल सेंटरमधून अमेरिका आणि कॅनडामधील नागरिकांची फसवणूक करण्यात येत असल्याचे प्राथमिक तपासात निष्पन्न झाले आहे.
पोलिसांनी आज पहाटे प्राईड आयकॉन इमारतीमधील जार्विस टेक प्रा. लि. या कॉल सेंटरवर छापा टाकला. अटक करण्यात आलेल्या आरोपींपैकी तिघेजण गुजरात अहमदाबाद आणि पाटण येथील रहिवासी आहेत. ते पुण्यात कॉल सेंटर चालवित
होते.
आरोपी हे अमेरिका आणि कॅनडातील नागरिकांना सोशल सिक्‍युरिटी अॅडमिनिस्ट्रेशनचे अधिकारी असल्याचे भासवत असत. त्यानंतर सोशल सिक्‍युरिटी नंबरचा गैरवापर करून परदेशी नागरिकांना आय ट्यून कार्ड, गिफ्ट कार्ड खरेदी करण्यास भाग पाडत होते. या कारवाईत कॉल सेंटरमधून हार्ड डिस्क, 14 लॅपटॉप, पाच एटीएम कार्ड, पाच मोबाईल आदी साहित्य जप्त करण्यात आले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.