आळंदी, ता. २३ : सार्वजनिक वाहतुकीस अडथळा होईल, अशा तऱ्हेने रिक्षा उभी केल्याप्रकरणी आळंदी पोलिसांनी रिक्षाचालकावर गुन्हा दाखल केला आहे. विष्णू शिवाजी चव्हाण (वय ३४, रा. केळगाव) असे गुन्हा दाखल केलेल्या व्यक्तीचे नाव आहे.
ही कारवाई वडगाव चौक येथे पोलिसांकडून रविवारी (ता. २३) सकाळी साडेअकराच्या दरम्यान करण्यात आली. याबाबत फिर्याद पोलिस शिपाई सुप्रिया गोरख शिंदे यांनी आळंदी पोलीस ठाण्यात दिली आहे. विष्णू चव्हाण यांनी त्यांच्या ताब्यातील रिक्षा (एमएच १४, एमएस ५०९६) ही आळंदी शहरातील प्रदक्षिणा रस्त्यावरील वडगाव चौकात उभी केली होती. विना परवाना आणि वाहतुकीस अडथळा होईल, अशा पद्धतीने रिक्षा उभी केल्याने पोलिसांनी कारवाई केली.