वाईत रोडरोलर घुसला थेट दुकानात
सुदैवाने जीवितहानी टळली; ब्रेक फेल झाल्याने घटना
वाई, ता. १७ : येथील धर्मपुरी पेठेत विष्णू मंदिर ते किसन वीर चौक या उताराच्या रस्त्यावरून येताना ब्रेक फेल झाल्याने रोडरोलर फुलांच्या दुकानात घुसला. भर बाजारपेठेत सकाळी साडेदहा वाजण्याच्या सुमारास ही घटना घडल्याने मोठी खळबळ उडाली.
भरधाव आलेला हा रोडरोलर किसन वीर चौकातील सिद्धिविनायक स्नॅक्स सेंटरलगतच्या हार व फुलांच्या दुकानात शिरला. यावेळी चालकाने प्रसंगावधान दाखवून जोरजोरात ओरडून रस्त्यावरील तसेच दुकानातील लोकांना बाजूला होण्यास सांगितले, तसेच स्वतः उडी मारली. त्यामुळे मोठा अनर्थ टाळला. दुकान व एका दुचाकीचे नुकसान झाले. सुदैवाने कोणतीही जीवितहानी झाली नाही. या घटनेची माहिती मिळताच पोलिसांनी घटनास्थळी धाव घेतली. दरम्यान, घटनास्थळी बघ्यांची मोठी गर्दी झाल्याने काही काळ वाहतुकीची कोंडी झाली होती.
----------------------------
फोटो व्हॉट्सअप केला
वाई : किसन वीर चौकातील फुलांच्या दुकानात घुसलेला रोडरोलर.
-----------------------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.