पुणे - शिक्षण हक्क कायद्यांतर्गत २५% राखीव जागांवरील प्रवेशासाठी पाचऑगस्टपर्यंत मुदतवाढ देण्यात आली आहे. या अंतर्गत बालकांच्या प्रवेशासाठी पालकांना पुरेसा अवधी मिळावा आणि अधिकाधिक विद्यार्थ्यांचा शाळा प्रवेश व्हावा, यासाठी प्राथमिक शिक्षण विभागाने मुदतवाढ देण्याचा निर्णय घेतला आहे.
बालकांचा मोफत व सक्तीच्या शिक्षणाचा अधिकार अधिनियम २००९ अंतर्गत २०२४-२५ या शैक्षणिक वर्षासाठी २५ टक्के राखीव जागांवरील प्रवेश प्रक्रीयेस २३ ते ३१ जुलैपर्यंत मुदत देण्यात आली होती. आरटीई २५ टक्के प्रवेश प्रक्रीयेचा आढावा घेतला असता या प्रवेशासाठी मुदतवाढ देणे आवश्यक असल्याचे दिसून आले.
त्यामुळे एक ते पाच ऑगस्टपर्यंत प्रवेशासाठी मुदतवाढ देण्यात आली आहे. सर्व क्षेत्रिय अधिकारी यांनी आरटीई २५ टक्के प्रवेश प्रक्रीयेसाठी देण्यात आलेली मुदतवाढ लक्षात घेऊन विद्यार्थ्यांचे शाळा प्रवेश करावेत. तसेच यापुढे मुदतवाढ दिली जाणार नाही याची सर्व संबंधितांनी नोंद घ्यावी, अशी अशी स्पष्ट सूचना राज्याचे प्राथमिक शिक्षण संचालक शरद गोसावी यांनी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.