पुणे : मार्केट यार्डमधील उघड्या चेंबरमध्ये वासरू पडल्यामुळे काही वेळ अडकून पडले होते. परंतु अग्निशमन दलाच्या जवानांनी या वासराची सुखरूप सुटका केली. आज रविवारी (ता. १६) सकाळी मार्केट यार्डातील गेट क्रमांक तीनजवळ एका चेंबरमध्ये वासरु पडल्याची घटना घडली.

स्थानिक व्यापार आणि हा प्रकार अग्निशामक दलास कळविला. त्यावर अग्निशमन दलाचे वाहनचालक शरद गोडसे, जवान संभाजी अवताडे, सुरज कारले, तुषार जानकर, हर्षद येवले घटनास्थळी पोचले. त्यांनी दोरीच्या साह्याने वासराची पंधरा मिनिटांत सुखरुप सुटका केली.