दौंड (पुणे) : दौंड शहरात एका दूध विक्रेत्याच्या कुटुंबातील आणखी सहा जणांना कोरोना विषाणूची बाधा झाली असून, त्यामध्ये पाच अल्पवयीन मुले- मुली आणि एका ज्येष्ठ महिलेचा समावेश आहे. या कुटुंबातील एकूण बाधितांची संख्या तेरा झाली आहे.
दौंड शहरातील या दूध विक्रेत्याच्या कुटुंबातील एका ७८ वर्षीय ज्येष्ठ नागरिकास ९ जून रोजी कोरोनाची बाधा झाली आहे. त्यांच्या संपर्कात आलेल्या त्यांच्या चार नातेवाईकांना ११ जून रोजी, तर कुटुंबातील दोन महिलांना १२ जून कोरोनाची बाधा झाली आहे. या बाधितांच्या संपर्कात आलेल्या कुटुंबातील अन्य सदस्यांचे घशातील स्त्राव तपासणीसाठी पुणे येथे पाठविण्यात आले होते व त्याचा अहवाल आज (ता. १३) आला आहे. त्यापैकी सहा जणांना बाधा झाली असून, त्यामध्ये एक ६५ वर्षीय महिला, १३ ते १५ वयोगटातील तीन मुली, १५ वर्षांचा मुलगा आणि एक १६ वर्षांचा मुलगा यांचा समावेश आहे.
या दूध विक्रेत्याच्या गोठ्यातील व परिसरातील तीव्र अस्वच्छता, बाधिताच्या संपर्कात आल्यानंतर कुटुंबीयांचे गृह विलगीकरण करण्यात आले, तरी विलग न राहता एकत्र राहणे, विलगीकरणानंतरही दूध विक्री करणे, नागरिकांशी नियम न पाळता संपर्क ठेवणे आणि शारीरिक अंतराचे अजिबात पालन न केल्याने बाधितांची संख्या झपाट्याने वाढली आहे.
बाधित दूध विक्रेत्याच्या गोठ्यातील दूध हे बाधिताच्या नातेवाईकांद्वारे शहरात विकले जात आहे. त्यामुळे या दुकानातून दूध विक्री बंद करण्याचे पत्र नगरपालिकेकडून देण्यात आले आहे. प्रतिबंधित क्षेत्रात सर्वेक्षण सुरू असून, परिसरातील नागरिकांना नगरपालिकेकडून मास्क व सॅनिटायझरचे वितरण करण्यात आले आहे, अशी माहिती दौंड नगरपालिकेचे मुख्याधिकारी मंगेश शिंदे यांनी आज दिली.
आरोग्य यंत्रणांच्या सहकार्याने दत्त मंदिर परिसरातील सुमारे ३५० नागरिकांचे थर्मल गनद्वारे शरीराचे तापमान तपासण्यासह `पल्स ऑक्सिमीटर' यंत्राद्वारे रक्तातील ऑक्सिजनचे प्रमाण तपासण्यात आले आहे, अशी माहिती नगरपालिकेचे आरोग्य निरीक्षक शाहू पाटील यांनी दिली.
पुण्यात भूमीपुत्रांना नोकरीची संधी
दौंड शहरातील बाधितांची संख्या २५ असून, त्यामध्ये एसआरपीएफचे ८ पोलिस व १७ नागरिक यांचा समावेश आहे. दौंड शहरातील कोविड केअर सेंटरमध्ये आज (ता. १३) एकूण २५ नागरिकांवर उपचार सुरू आहेत, अशी माहिती दौंड उप जिल्हा रूग्णालयाचे अधीक्षक डॅा. संग्राम डांगे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.