लोणावळा - मुंबई-पुणे द्रुतगती मार्गावर शुक्रवारी (ता.२३)  बोरघाटात वाहनांच्या लांब रांगा लागल्यामुळे घाटातील वाहतूक संथ गतीने सुरू आहे. गुरुनानक जयंती आणि शनिवार, रविवार सलग सुट्ट्या यामुळे पर्यटक मोठ्या संख्येने बाहेर पडल्याने त्यांच्या वाहनांची भर पडली आहे.

दरम्यान, वडगाव-मावळजवळ दोन वाहनांचा किरकोळ अपघात झाल्याने आणि एक ट्रक बंद पडल्यामुळे पुणे-मुंबई महामार्गावरही तासभर वाहतूक कोंडी झाली होती

विशेषतः सकाळच्या सत्रात दरम्यान घाटात बोरघाट पोलिस चौकी दस्तुरी, अमृतांजन पुल ते खंडाळा बोगदा दरम्यान वाहनांच्या रांगा लागल्याने वाहतूक संथ गतीने सुरु होती. बोरघाट, खंडाळा महामार्ग पोलिसांच्या वतीने वाहतुक सुरळीत ठेवण्यासाठी प्रय़त्न करण्यात येत आहे.