PNE26W19627
सोलापूर : नीट पेपरफुटीप्रकरणी आंदोलन करताना भारताचा लोकशाहीवादी युवा महासंघाचे पदाधिकारी.
.......
नीट पेपरफुटीप्रकरणी सोलापुरात संतप्त आंदोलन
सोलापूर : नीट परीक्षा पेपरफुटी प्रकरणाच्या निषेधार्थ भारताचा लोकशाहीवादी युवा महासंघाच्या वतीने शनिवारी सोलापुरात जोरदार आंदोलन करण्यात आले. जिल्हा परिषद पूनम गेट येथे झालेल्या या आंदोलनात पंतप्रधान नरेंद्र मोदी, केंद्रीय गृहमंत्री अमित शहा आणि केंद्रीय शिक्षणमंत्री धर्मेंद्र प्रधान यांच्या प्रतिमांचे दहन करण्यात आले. या आंदोलनात युवा महासंघाचे जिल्हा कोषाध्यक्ष बाळकृष्ण मल्याळ, विजय हरसुरे, बालाजी गुंडे, राहुल बुघले, सुनील आमाटी, अप्पाशा चांगले, किशोर झेंडेकर, योगेश अकीम, दिनेश बडगू आदी उपस्थित होते.