पुणे, ता. 23 : महाविद्यालयीन विद्यार्थीनीने इमारतीच्या टेरेसवरुन खाली उड़ी मारुन आत्महत्या केली. ही घटना रविवारी दुपारी दिड वाजण्याच्या सुमारास कसबा पेठ येथे घडली. 

माधवी विशाल काळे (वय 17, रा.कसबा पेठ) असे मृत विद्यार्थीनीचे नाव आहे. माधवी रविवारी सकाळी क्लासला गेली होती. तेथून दुपारी दिड वाजता ती कसबा पेठेतील तिच्या घरी परतली. त्यानंतर बांधकाम सुरु असलेल्या त्यांच्या इमारतीच्या टेरेसवरुन तिने उड़ी मारली. त्यानंतर तिला उपचारासाठी खासगी रुग्णलयात नेण्यात आले. मात्र त्यापूर्वीच तिचा मृत्यु झाला. तिच्या आत्महत्येचे कारण अजून स्पष्ट झाले नसुन पोलिसांचा तपास चालु आहे.