म्हाळुंगे पडवळ : कळंबई (ता. आंबेगाव) येथील शेतकरी शंकर रामचंद्र कोढवळे यांनी तीन हजार कोथिंबीर जुड्या विक्रीतून ७५ हजार रुपये उत्पन्न मिळाले. कोरोनाच्या काळात मिळालेल्या या उत्पन्नामुळे त्यांना दिलासा मिळाला आहे.
आंबेगाव तालुक्यात चास, साकोरे, महाळुंगे पडवळ, नांदूर, कळंबई, चांडोली बुद्रूक, एकलहरे, सुलतानपूर, वडगाव काशिंबेग, विठ्ठलवाडी, लौकी आदी गावे कोथिंबीर उत्पादनात अग्रेसर आहेत. हुतात्मा बाबू गेनू जलाशयातून घोडनदी, उजवा, डावा कालवा, घोड शाखेला कालव्यात वेळोवेळी पाणी सोडण्यात येते. त्यामुळे पंचक्रोशीतील विहिरी, कोल्हापूर पद्धतीचे बंधारे व पाझर तलावात शाश्वत पाणी उपलब्ध होते. नगदी पैसे मिळवून देणारी कोथिंबीर असल्याने या भागातील शेतकऱ्यांकडून कोथिंबिरीची लागवड केली जाते. परंतु, कोरोनामुळे अनेक शेतकऱ्यांनी कोथिबीरीची लागवड कमी केली आहे. त्यामुळे बाजारभाव वाढत असल्याचे व्यापाऱ्यांचे म्हणणे आहे. प्रतवारीनुसार सध्या शेकडा ५०० रुपयांपासून दोन हजार ८०० रुपयांपर्यत बाजारभाव आहे.
शेतकरी शंकर रामचंद्र कोढवळे म्हणाले, ‘‘मार्च महिन्याच्या पहिल्या आठवड्यात ३३ गुंठे क्षेत्रात ३८ किलो कोथिंबीर बियाण्याची लागवड केली. बियाणे, खते, औषधे व मजुरी असा एकरी ११ हजार रुपये खर्च झाला. नारायणगाव (ता. जुन्नर) येथे बाजार समितीत पहिल्या दिवशी दोन हजार ६०० कोथिंबीर जुड्या विक्रीसाठी होत्या. त्यांना शेकडा दोन हजार ८०० रुपये बाजारभाव मिळाला. त्यानंतर ४०० कोथिंबीर जुड्यांना शेकडा दोन हजार ४०० रुपये बाजारभाव मिळाला. खर्च वजा जाता ६४ हजार रुपये उत्पन्न मिळाले.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.