पुणे - ‘सकाळ प्रस्तुत सुहाना स्वास्थ्यम्’ हा बहुचर्चित आरोग्य व वेलनेसचा महोत्सव शुक्रवारपासून (ता. १) रविवारपर्यंत (ता. ३) पुण्यातील म्हात्रे पुलाजवळील डीपी रस्त्यावरील पंडित फार्म्समध्ये सायंकाळी पाच वाजता सुरू होत आहे. उपक्रमाची सुरुवात संस्कृत व वैदिक मंत्र उच्चारणाने होणार आहे.

याचबरोबर अध्यात्म व योग गुरू श्री एम यांच्या हस्ते व मान्यवरांच्या उपस्थितीत ‘समग्र सृष्टीचे कल्याण आणि माइंडफुल लिव्हिंग’ या विचारधारेवर प्रकाश टाकणाऱ्या ‘स्वास्थ्यम्’ या पुस्तकाचे प्रकाशन करण्यात येणार आहे. तसेच, प्रसिद्ध अभिनेत्री माधुरी दीक्षित व डॉ. श्रीराम नेने उपस्थित राहून प्रेक्षकांशी संवाद साधणार आहेत.

सर्व वयोगटातील नागरिकांच्या निरोगी शारीरिक व मानसिक स्वास्थ्यासाठी आणि कुटुंबातील प्रत्येक व्यक्तीच्या स्वास्थ्यपूर्ण संतुलित जीवनशैलीसाठी सर्वाधिक उपयुक्त व मार्गदर्शक ठरणाऱ्या ‘सकाळ प्रस्तुत सुहाना स्वास्थ्यम्’ या उपक्रमांतर्गत एक डिसेंबर ते तीन डिसेंबरपर्यंत ध्यान-धारणा, योग-प्राणायाम, शारीरिक, भावनिक व मानसिक स्वास्थ्यपूर्ण आरोग्य, अध्यात्म आणि आरोग्य, संस्कृतयोग, वैदिक मंत्र जप आणि मानसिक आरोग्य, मुद्रा-विज्ञान आणि आरोग्य आदी विषयांवर विविध क्षेत्रांतील राष्ट्रीय व आंतरराष्ट्रीय स्तरावरील अनेक तज्ज्ञ मार्गदर्शक संवाद साधणार आहेत.

उपक्रमाचे मुख्य प्रायोजक ‘सुहाना मसाले’, तर पॉवर्ड बाय प्रायोजक ‘भारती विद्यापीठ’, फायनान्शियल हेल्थ पार्टनर ‘लोकमान्य मल्टिपर्पज को-ऑप. सोसायटी लि. (मल्टी स्टेट)’, ऊर्जा पार्टनर म्हणून ‘निरामय वेलनेस सेंटर’, हेल्थ पार्टनर ‘शारंगधर नॅचरल हेल्थ केअर’ आहेत. याचबरोबर सहयोगी प्रायोजक चंदुकाका सराफ अँड सन्स प्रा. लि’. व ’फिनोलेक्स केबल्स लिमिटेड’, ‘भारत फोर्ज लिमिटेड’ असून, ईव्ही पार्टनर ‘एथर’ आहेत.

‘स्वास्थ्यम्’ कशासाठी?

१. संस्कृत व वैदिक मंत्रांचा जप आणि आरोग्य याबाबत मार्गदर्शन

२. ध्यान-धारणाविषयी शास्त्रीय माहिती

३. निरोगी व तंदुरुस्त आरोग्यासाठी योग आणि प्राणायाम यांचे मार्गदर्शन

४. अध्यात्म आणि सुदृढ आरोग्य यांचा सहसंबंध यासंदर्भात मार्गदर्शन

५. गायन, कला व संगीताचा आरोग्याशी संबंध याबाबत मार्गदर्शन

वस्तू-सेवांचे प्रदर्शन पाहण्याची संधी

आरोग्याच्या तीनदिवसीय महोत्सवात विविध प्रकारच्या स्टॉलच्या माध्यमातून अनेक प्रकारच्या वस्तू आणि सेवांचे प्रदर्शन भरविण्यात आले आहे. प्रदर्शनात आरोग्य क्षेत्रातील विविध प्रकारच्या वस्तू, उत्पादने आणि सेवा, आयुर्वेदिक उत्पादने, हर्बल आणि विविध प्रकारची औषधी उत्पादने, आरोग्यदायी उपभोग्य वस्तू, जैविक (ऑरगॅनिक) उत्पादने, डायग्नॉस्टिक उत्पादने आणि सेवा, सिद्ध यंत्र आणि मंत्र उत्पादने, परफ्यूम, सुगंधी अत्तर, प्युरिफायर आणि अगरबत्ती उत्पादने आणि पर्यावरणपूरक व शाश्वत उत्पादने यांचा समावेश आहे.

कधी व कुठे?

१ ते ३ डिसेंबर- २०२३, पंडित फार्म्स,

कर्वेनगर, पुणे

हे लक्षात ठेवा

‘सकाळ प्रस्तुत सुहाना स्वास्थ्यम्’ उपक्रमाबद्दल अधिक माहिती जाणून घेण्यासाठी globalswasthyam.com या वेबसाइटला भेट देऊ शकता. प्रवेश विनामूल्य असून, उपक्रमात सहभागी होण्यासाठी कार्यक्रमाच्या ठिकाणी रजिस्ट्रेशन सुविधा उपलब्ध करून देण्यात येईल.

खालील विविध सोशल मीडिया प्लॅटफॉर्म्सला भेट द्या

Instagram - instagram.com/globalswasthyam

Facebook - facebook.com/globalswasthyam

Twitter - twitter.com/GlobalSwasthyam