पुणे : राज्य सरकारने १५ मार्च २०२४ मध्ये संच मान्यते संदर्भात घेतलेला शासन निर्णय रद्द करून २८ ऑगस्ट २०१५च्या शासन निर्णयाप्रमाणे कार्यवाही करावी, शिक्षक भरती पोर्टलद्वारे वर्षातून दोनदा भरती करावी, एक नोव्हेंबर २००५ पूर्वी नियुक्त शिक्षक-शिक्षकेतर कर्मचाऱ्यांना जुनी पेन्शन योजना लागू करावी, अशा मागण्यांसाठी महाराष्ट्र राज्य माध्यमिक व उच्च माध्यमिक शाळा मुख्याध्यापक संघ महामंडळाने संस्थाचालक संघटना, विविध शिक्षक व शिक्षकेतर कर्मचारी संघटनांना एकत्र करून शुक्रवारी राज्यभर एक दिवसीय संप पुकारला.
यानिमित्त पुण्यातही मुख्याध्यापक संघ महामंडळातर्फे जिल्हाधिकारी कार्यालयावर मोर्चा काढण्यात आला. यात विविध संघटना सहभागी झाल्या होत्या. राज्यातील ८५० शाळांमध्ये नववी-दहावीच्या वर्गासाठी संच मान्यतेत शून्य शिक्षक देण्यात आलेले आहेत.
त्यामुळे अडीच ते साडेतीन हजार शिक्षक अतिरिक्त ठरणार आहेत. त्याचवेळी ७० ते ७५ हजार विद्यार्थी शिक्षणापासून वंचित राहतील, असे महामंडळाचे सचिव नंदकुमार सागर यांनी यावेळी सांगितले.
शासन निर्णय रद्द न झाल्यास अनेक अनुदानित विशेषतः मराठी शाळा बंद होण्याची भीती आहे, असे पुणे जिल्हा माध्यमिक व उच्च माध्यमिक शाळा मुख्याध्यापक संघाचे अध्यक्ष प्रसाद गायकवाड यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.