पुणे : तंबाखूजन्य पदार्थांवर आवश्‍यक वैधानिक इशारा नसतानाही विक्री केल्या जाणाऱ्या तब्बल सात लाख रुपये किंमतीचा तंबाखूजन्य पदार्थांचा साठा अमली पदार्थ व खंडणी विरोधी विभागाने जप्त केला. याबरोबरच बेकायदेशीरीत्या विविध कंपन्यांच्या इम्पोर्टेड सिगारेटही पोलिसांनी जप्त केल्या. 

ताज्या बातम्यांसाठी डाऊनलोड करा ई-सकाळचे ऍप

अमली पदार्थ व खंडणी विरोधी विभागाच्या पुर्व विभागाचे पोलिस निरीक्षक विजय टिकोळे हे त्यांच्या पोलिस पथकासह शहरामध्ये गस्त घालीत होते. त्यावेळी फरासखाना पोलिस ठाण्याच्या हद्दीतील गणेश पेठ येथील पांगुळ आळीमध्ये असणाऱ्या एस.राजेश ट्रेडर्स या दुकानामध्ये बंदी असलेले व वैधानिक इशारा नसलेल्या तंबाखूजन्य पदार्थांची विक्री केली जात असल्याची खबर टिकोळे यांना मिळाली. त्यानुसार, टिकोळे यांच्यासह सहाय्यक पोलिस उपनिरीक्षक सुशील काकडे, पोलिस हवालदार महेंद्र पवार, पोलिस नाईक रामचंद्र यादव, पोलिस शिपाई योगेश मोहिते आदींच्या पथकाने घटनास्थळी जाऊन पाहणी केली. त्यावेळी प्रकाश मोहनलाल जैनानी (वय 31, रा.नरेन हिल्स, आझादनगर, महम्मदवाडी, हडपसर) हा घटनास्थळी हजर होता.

शेतकऱ्यांसाठी गुड न्यूज:दोन लाखांपेक्षा जास्त कर्ज असलेल्यांनाही दिलासा?

दुकानाची पाहणी केल्यानंतर तेथे वैधानिक इशारा नसलेला तब्बल सात लाख रुपये किंमतीचा तंबाखूजन्य पदार्थांचा साठा सापडला. त्यानुसार, जैनानी याच्याविरुद्ध कोटपा कायद्यान्वये गुन्हा दाखल करण्यात आला.