भोर, ता. १० ः शहरातील दर मंगळवारी भरणारा आठवडे बाजार बंद करण्यात आला असल्याची माहिती मुख्याधिकारी हेमंत किरुळकर यांनी दिली. शासनाच्या आदेशानुसार ही कार्यवाही करण्यात आली असून पुढील आदेश येईपर्यंत आठवडे बाजार बंद राहणार आहे.
भोर शहर आणि तालुक्यातील कोरोनाग्रस्तांची संख्या झपाट्याने वाढत आहे. गेल्या दहा दिवसांमध्ये तालुक्यात कोरोनाचे ७८ रुग्ण आढळले आहेत. परंतु, तरीही नागरिक मास्क, सॅनिटायझर आणि सोशल डिस्टन्सिंगचे पालन करत नाहीत. शासनाच्या आदेशानुसार दिवसा जमावबंदी आणि रात्रीची संचारबंदी याबाबत कडक कारवाई करण्यात येणार असल्याचे नगरपालिका प्रशासनाकडून सांगण्यात आले.