चाकण, ता. १५ : शेलगाव (ता. खेड) येथील शेलगाव विविध कार्यकारी सेवा सहकारी संस्थेची निवडणूक दोन पॅनेलमध्ये चुरशीत झाली. या निवडणुकीत श्री भैरवनाथ गुरूदत्त शेतकरी विकास पॅनेलने वर्चस्व प्रस्थापित केले असल्याची माहिती संस्थेचे नव्याने निवडून आलेले संचालक रामहरी आवटे, विजयानंद आवटे यांनी दिली.
शेलगाव सोसायटी ही शेतकरी सभासदांची आहे. या सोसायटीचे चार संचालक बिनविरोध झाले होते. निवडणुकीत एकनाथ खंडू आवटे, रामहरी नामदेव आवटे, विजयानंद पोपट आवटे, सहादू बाबूराव आवटे, रविराज अशोक झरेकर, दत्तात्रेय सोपान हांडे, नवनाथ दत्तात्रेय आवटे, सचिन गंगाराम आवटे हे चुरशीच्या निवडणुकीत निवडून आले. तसेच नलिनी कालिदास गरुड, जयश्री कमलेश आवटे, संतोष विठ्ठल आवटे, दत्तात्रेय बबन सोनवणे हे चार संचालक बिनविरोध निवडून आले. एक संचालक जागा रिक्त राहिली आहे. निवडणूक निर्णय अधिकारी म्हणून एच. एस. कांबळे यांनी काम पाहिले. संस्थेचे एकूण तेरा संचालक आहेत. भटक्या विमुक्त जागेवर उमेदवार नसल्याने ती जागा रिक्त राहिली. संस्थेचे सुमारे दोनशेवर शेतकरी सभासद आहेत.