भिगवण, ता. २० : मदनवाडी (ता. इंदापूर) येथील शिव फाउंडेशनच्यावतीने शिवजयंतीनिमित्त आयोजित मोफत आरोग्य तपासणी शिबीरात १५३ जणांनी लाभ घेतला. त्यानंतर सल्ला शिबिर आयोजित करून आरोग्य सल्ला देण्यात आला. आरोग्य शिबिराच्या उद्‍घाटनाप्रसंगी माजी सहकारमंत्री हर्षवर्धन पाटील, मारुती वणवे, कर्मयोगाचे पराग जाधव, विश्वास देवकाते, पंचायत समितीचे माजी उपसभापती संजय देहाडे, भिगवणचे सरपंच तानाजी वायसे, कुंडलिक बंडगर, तेजस देवकाते, रोटरीचे अध्यक्ष संजय खाडे, सचिन बोगावत, संजय चौधरी, डॉ. संकेत मोरे, डॉ. अमोल खानावरे, डॉ. मृदुला जगताप, शिव फाउंडेशनचे अध्यक्ष संपत बंडगर आदी उपस्थित होते. डॉ. प्रवीण बडे यांचे प्रिस्टाईन आयुर इंडिया प्रा. लि. व मातोश्री प्रतिष्ठान यांच्या सहकार्यातून जर्मन टेक्नॉलॉजी मशिन द्वारे मोफत तपासणी व मार्गदर्शन करण्यात आले. सरपंच तानाजी वायसे, शंकरराव गायकवाड यांच्या हस्ते छत्रपती शिवाजी महाराज यांच्या प्रतिमेचे पूजन करण्यात आले. आरोग्य तपासणी शिबिरासाठी आरोग्य सल्लागार किशोर शिंदे, डॉ. परशुराम तळेकर, डॉ. गोरक्षनाथ चौधरी तसेच शिव फाउंडेशन व मातोश्री प्रतिष्ठानच्या सदस्यांचे सहकार्य लाभले. येथील ओंकार गाढवे मित्र परिवाराच्यावतीने शिवजयंती उत्सवाचे आयोजन करण्यात आले होते. यावेळी पराग जाधव, अजिंक्य माडगे, महेश शेंडगे,प्रदीप वाकसे, सचिन बोगावत, अण्णासाहेब धवडे, संजय देहाडे, तुषार क्षीरसागर, संजय रायसोनी, प्रशांत शेलार, प्रमोद नरूटे, बाबासाहेब शिंदे, जावेद शेख, दत्ता धवडे आदी उपस्थित होते. ओंकार गाढवे, स्वप्नील रसाळ, ओंकार मुळे यांनी कार्यक्रमाचे संयोजन केले.