आंबेठाण, ता. २ : शेलू-भांबोली (ता.खेड ) विकास सोसायटीच्या अध्यक्षपदी तुकाराम बबन पडवळ यांची बिनविरोध निवड झाली. मावळते अध्यक्ष शिवाजी हनुमंत पडवळ यांनी राजीनामा दिल्याने ही निवडणूक घेण्यात आली. अध्यक्ष पदासाठी तुकाराम पडवळ यांचा एकच अर्ज आल्याने त्यांची बिनविरोध निवड करण्यात आली. तुकाराम पडवळ यांनी यापूर्वी १५ वर्ष सोसायटीचे संचालक म्हणून काम पाहिले. राजगुरुनगर येथील बाजार समितीच्या सभागृहात ही निवडणूक पार पडली. याप्रसंगी मावळते अध्यक्ष शिवाजी पडवळ, उपाध्यक्ष चांगुणाबाई राळे, नामदेव पडवळ, ज्ञानेश्वर ठोंबरे, मीराबाई पडवळ, पांडुरंग सांडभोर, काळूराम पिंजण, शरद निखाडे, संतोष सांडभोर, संदीप बधाले, मिलिंद दिवे, शांताराम करंडे, कांताबाई निखाडे, मुरलीधर राऊत आदी उपस्थित होते. निवडणूक बिनविरोध होण्यासाठी माजी जिल्हा परिषद सदस्य सदाशिव करंडे, आबा सांडभोर, दत्तात्रेय करंडे, दत्ता लांडगे, पांडुरंग पडवळ, गणेश नामदेव पडवळ, भरत पडवळ, माऊली पडवळ आदींनी प्रयत्न केले. निवडणूक निर्णय अधिकारी म्हणून एस.एम.बगाटे यांनी काम पाहिले, त्यांना सोसायटीचे सचिव नीलेश देशमुख यांनी मदत केली.