आंबेठाण, ता. १७ : वराळे (ता. खेड) येथील जिल्हा परिषद प्राथमिक शाळेतील दोन विद्यार्थी शिष्यवृत्ती जिल्हा गुणवत्ता यादीत झळकले आहेत. या शाळेची ‘अक्षर शाळा’ म्हणून ओळख आहे. शाळेने जिल्हा परिषदेचा अध्यक्ष चषक पुरस्कार मिळविला आहे.
दरम्यान, पूर्व उच्च प्राथमिक शिष्यवृत्ती परीक्षेत रोहित पवार आणि श्रुती गोपाळ या विद्यार्थ्यांनी गुणवत्ता यादी स्थान मिळवले आहे. विद्यार्थ्यांना वर्गशिक्षिका उषा भोईटे, मुख्याध्यापक प्रविण घोडे या सर्वांचे मार्गदर्शन मिळाले. शालेय व्यवस्थापन समिती अध्यक्ष श्रीकृष्ण बुट्टेपाटील, कुमार बुट्टेपाटील, उषा बुट्टेपाटील, विशाल बुट्टेपाटील, सोनाली लोंढे आदींनी यशस्वी मुलांचे अभिनंदन केले.