मांडवगण फराटा, ता. १० : इनामगाव (ता. शिरूर) ग्रामपंचायतीच्या उपसरपंचपदी गणेश बाळासाहेब लोणकर यांची बिनविरोध निवड झाली.
इनामगावचे सरपंच रघुनाथ भालेराव यांनी इतर सदस्यांना काम करण्याची संधी मिळावी म्हणून आपल्या पदाचा राजीनामा दिल्याने रिक्त जागेवर निवडणूक घेण्यात आली. सरपंच अनुराधा घाडगे यांच्या अध्यक्षतेखाली झालेल्या बैठकीत उपसरपंचपदासाठी एकमेव अर्ज आल्याने गणेश लोणकर यांची बिनविरोध निवड झाल्याचे निवडणूक अधिकारी ग्रामसेवक बी. पी. गायकवाड यांनी जाहीर केले. निवडीनंतर उपसरपंच गणेश लोणकर यांचा मान्यवरांच्या हस्ते सत्कार करण्यात आला. यावेळी घोडगंगा कारखान्याचे माजी संचालक दिलीप मोकाशी, सरपंच अनुराधा घाडगे, विजयसिंह मोकाशी, शेतकरी संघटनेचे बाळासाहेब घाडगे, माजी सरपंच पल्लवी घाटगे, माजी उपसरपंच सिद्धेश्वर नांद्रे, सुरज मचाले, शिवाजीराव नांद्रे, इनामगाव सोसायटीचे संचालक कैलासराव गांधले, सुदामराव शिंदे, पोपटराव मोकाशी, मोहन घाडगे, प्रकाश मचाले, सचिन मचाले, मानसिंग बोरकर, तात्यासाहेब घाडगे, तात्यासाहेब मचाले, शिवाजी मचाले, संजय घाटगे, शरद मचाले, रामभाऊ भालेराव, दत्तात्रेय लोणकर आदी उपस्थित होते.