आळंदी, ता. ४ : बाराव्या शतकामध्ये संत ज्ञानेश्‍वर माऊलींनी सांगितलेला आत्मधर्म, विश्‍वधर्म आणि ध्यानाची प्रत्यक्ष अनुभूती घेण्याचा सुवर्णयोग वारकरी साधक आणि आळंदी परिसरात राहणाऱ्यांना मिळणार आहे.
निमित्त आहे आळंदीतील मुंबई मराठा फ्रुटवाला धर्मशाळेतील गुरुवार (ता. १०) एप्रिल ते शनिवार (ता. १२) दरम्यान सायंकाळी ५ ते ८ या वेळेत होणाऱ्या हिमालयीन समर्पण ध्यान महाशिबिराचे. या शिबिराचे आयोजन आळंदी देवस्थान आणि श्री शिवकृपानंद स्वामी फाउंडेशन यांच्या वतीने होत आहे. शिबिर पूर्णपणे नि:शुल्क आहे. आजच्या स्पर्धेच्या युगात वाढलेला तणाव, दुःख आणि त्या दुःखाला दूर करण्यासाठी हे शिबिर उपयुक्त आहे.
ज्ञानेश्‍वर महाराजांनी आत्मानुभूती बाबत, विश्‍वधर्म, आत्मधर्म बाबत जे सांगितले त्याचा प्रत्यक्ष अनुभव घेण्याचा सुयोग या अद्वितीय तीन दिवसीय निःशुल्क हिमालयीन समर्पण ध्यानयोग शिबिराच्या माध्यमातून घडणार आहे. अधिक माहितीसाठी ९६६५७९५६७८/९१३७२४७९३३ येथे संपर्क साधावा.