आळंदी, ता. २५ ः आळंदी (ता. खेड) परिसरात डोक्यामध्ये सिमेंटचा ब्लॉक मारून एकाचा खून केल्याची घटना बुधवारी (ता. २३) ते गुरुवारी (ता. २४) सकाळी साडे नऊच्या दरम्यान घडली. या घटनेत प्रकाश विठोबा भुते (वय ३९, रा. धानोरे, विकासवाडी) मृताचे नाव आहे. याबाबत फिर्याद लता प्रकाश भूते (वय ३८, रा. धानोरे, विकासवाडी, ता. खेड) यांनी दिली. याप्रकरणी अज्ञाताविरोधात गुन्हा दाखल केल्याची माहिती आळंदी पोलिसांनी दिली. ही घटना आळंदी मरकळ रस्त्यावर धानोरे येथील एका कंपनीजवळ असलेल्या केश कर्तनालय दुकानाजवळ घडली. आळंदी पोलिसांनी दिलेल्या माहितीनुसार धानोरे औद्योगिक भागातील एका केश कर्तनालयाजवळ प्रकाश भूते असताना त्यांच्या डोक्यात अज्ञात व्यक्तीने सिमेंटचा ब्लॉक मारून खून केला. दरम्यान, याबाबत पोलिसांना अधिक माहिती मिळाली नाही. याबाबत अधिक तपास आळंदी पोलिस करीत आहेत.