आळंदी, ता. ११ : आळंदी नगरपरिषद सार्वत्रिक निवडणूक २०२५ अनुषंगाने उमेदवारी अर्ज दाखल करण्याच्या दुसऱ्या दिवशीही एकही अर्ज दाखल झाला नाही.
याबाबत माहिती देताना निवडणूक निर्णय अधिकारी जयराज देशमुख यांनी सांगितले की, सोमवार(ता. १०)पासून निवडणुकीसाठी उमेदवार नामांकन अर्ज भरण्यास सुरुवात झाली मात्र अद्याप पर्यंत एकही उमेदवाराने अर्ज भरलेला नाही. निवडणुकीच्या अनुषंगाने आळंदीकरांना कोण अर्ज भरणार याबाबत उत्सुकता आहे. सलग दुसऱ्या दिवशी एकही उमेदवाराने अर्ज न भरल्यामुळे आळंदीकरांना तिसऱ्या दिवशीची वाट पहावी लागणार आहे. आतापर्यंत भाजप आणि राष्ट्रवादी दोघांनी इच्छुकांच्या मुलाखती घेतल्या. मात्र, अद्याप उमेदवारीबाबत कोणतीही वाच्यता केली नसल्यामुळे महायुतीच्या वतीने निवडणूक सामोरे जाणार की स्वतंत्रपणे निवडणूक लढवणार याची उत्सुकता आळंदीकरांना लागली आहे. दुसरीकडे महाविकास आघाडीच्या वतीने काँग्रेस राष्ट्रवादी शरद पवार गट आणि शिवसेना यांनीही संयुक्तपणे उमेदवारांची चाचणी केली आहे. यामुळे आगामी निवडणूक दुरंगी तिरंगी होणार याकडे लक्ष लागले आहे.