आळंदी, ता. १६ : दोन स्वतंत्र ठिकाणी चऱ्होली खुर्दमधील दोन १६ वर्षीय मुलींचे अज्ञात कारणासाठी राहत्या घरातून अपहरण करण्यात आलेले आहे. याप्रकरणी अज्ञात व्यक्ती विरोधात आळंदी पोलिस ठाण्यात गुन्हा दाखल केला आहे. याबाबत फिर्याद मुलींच्या आईने दिली आहे. आळंदी पोलिसांनी दिलेल्या माहिती नुसार, चऱ्होली खुर्दमधील ठाकर वस्तीवरील १६ वर्षीय मुलीचे अज्ञात कारणांहून अज्ञात व्यक्तीने पाच दिवसांपूर्वी पळवून नेले. ही मुलगी रंगाने निमगोरी असून उंची चार फूट, गोल चेहरा, लांब केस आणि सडपातळ बांधा आहे. दुसऱ्या घटनेत चऱ्होली खुर्दमधील काकडे सिटीमधील १६ वर्षीय मुलीला असेच अज्ञात व्यक्तीने पळवले. ही मुलगी निमगोरी, मध्यम बांधा, साडे चार फूट उंची, गोल चेहरा आणि लांब केस असून हिरवी पैठणी परिधान केलेली आहे. दोन्ही अल्पवयीन मुलींचा शोध आळंदी पोलिस घेत आहेत.