आळंदी, ता. २३ : मूळचे उत्तर प्रदेश मात्र सध्या धानोरे (ता. खेड) येथे राहत असलेली वीस वर्षीय तरुणी पार्लरला जाते, असे सांगून गेली होती. ती धानोरे येथून बेपत्ता झाली.
ही घटना धानोरे येथील एका पार्लरच्या ठिकाणाहून बुधवारी (ता. २१) सायंकाळी साडेसहाच्या दरम्यान घडली. याबाबत मुलीच्या वडिलांनी आळंदी पोलिस ठाण्यामध्ये फिर्याद दिली. बेपत्ता तरुणीचे कुटुंबीय मूळचे उत्तर प्रदेश येथील मूमदाबाद येथील असून सध्या धानोरे येथे एका फर्निचर कंपनीमध्ये काम करत आहेत. ही वीस वर्षीय तरुणी घरातून पार्लरमध्ये जात असल्याचे सांगून बेपत्ता झाली. अंगाने गोरी, सरळ नाक, उंची १६२ सेंटीमीटर, अंगावर निळा टॉप, निळा सलवार परिधान केला असून तिला हिंदी आणि मराठी भाषा येतात. आळंदी पोलिस बेपत्ता तरुणीचा शोध घेत असून संबंधित तरुणीबाबत माहिती मिळाल्यास आळंदी पोलिस ठाण्याची संपर्क साधण्याचे आवाहन करण्यात आले आहे.