आळंदी, ता. ३० : सार्वजनिक ठिकाणी अमली पदार्थाचे सेवन करून शिवीगाळ करत सार्वजनिक शांततेचा भंग केल्याप्रकरणी आळंदी पोलिस ठाण्यात तिघांवर गुन्हा दाखल करण्यात आला आहे. याबाबत अमित ढेकळे, नारायण सूर्यवंशी या पोलिस शिपाई यांनी आळंदी पोलिस ठाण्यामध्ये फिर्याद दिली. आळंदीतील सावडी कार्यालयामागील कानिफनाथ धर्मशाळेच्या समोर संगमेश वीरभद्रप्पा (वय ४५, रा. मोशी ता हवेली), प्रफुल्ल बबनराव देशमुख (वय ३१, रा. निळे गल्ली आळंदी देवाची) आणि संजय बत्तीसे (वय ४३, रा. संतोषी माता मंदिर आळंदी देवाची) हे तिघे मद्यपी अमली पदार्थाचे सेवन करून सार्वजनिक ठिकाणी शिवीगाळ करत होते, तसेच सार्वजनिक ठिकाणी सार्वजनिक शांततेचा भंग केला म्हणून या तिघांवर आळंदी पोलिसांनी कारवाई करत गुन्हा दाखल केला आहे.