आळंदी, ता. १: दहावी इयत्तेतील साडेसतरा वर्षांच्या पीडित मुलीवर तिच्या सावत्र वडिलांनी अत्याचार केले. तर आईने कामाला जात नाही म्हणून मारहाण शिवीगाळ केली. याप्रकरणी आई आणि सावत्र वडिलांवर आळंदी पोलिस ठाण्यामध्ये पोक्सो अंतर्गत मंगळवारी (ता. ३१) सायंकाळी गुन्हा दाखल करण्यात आला. ही घटना चिंबळी येथे २०२५ मध्ये जानेवारी ते ऑगस्ट दरम्यान वारंवार घडली. याप्रकरणी संबंधित साडेसतरा वर्षीय पीडित मुलीने फिर्याद दिली आहे. आळंदी पोलिसांनी दिलेल्या माहितीनुसार, पीडित मुलीची आई आणि सावत्र वडील हे खेड तालुका वगळता अन्य तालुक्यामधील आहे. दरम्यान, याबाबतचा प्रथम गुन्हा शिक्रापूर पोलिस ठाणे शून्य नंबरने दाखल करून तो आळंदी पोलिस ठाणामध्ये वर्ग करण्यात आला. पुढील तपास पोलीस करीत आहेत.