आळेफाटा, ता. १९ : राजुरी (ता. जुन्नर) येथील सह्याद्री व्हॅली कॉलेजमध्ये छत्रपती शिवाजी महाराज जयंती उत्साहात साजरी करण्यात आली. या कार्यक्रमाची सुरवात महाराजांच्या प्रतिमा पूजनाने झाली. संचालक सचिन चव्हाण व व्याख्याते सचिन भोजने यांच्या हस्ते प्रतिमापूजन करण्यात आले. त्यांनी शिवाजी महाराजांच्या जीवनकार्याविषयी माहिती दिली. सूत्रसंचालन सिद्धी कुऱ्हाडे, कुमार पडळकर यांनी केले. सह्याद्री व्हॅली पब्लिक स्कूलचे प्राचार्य अमोल जगदाळे यांनी महाराजांविषयी माहिती सांगितली. या वेळी सर्व विभागांचे विभागप्रमुख, शिक्षक व विद्यार्थी उपस्थित होते. कार्यक्रमाची सांगता महाराजांच्या प्रतिमेची आरती करून करण्यात आली. कार्यक्रमाच्या अध्यक्षस्थानी संचालक सचिन चव्हाण, मुख्य मार्गदर्शक म्हणून प्राचार्य पी. बाळारामुडू उपस्थित होते.