आळेफाटा, ता. १४ : येथील बसस्थानकात पडलेल्या खड्ड्यांमध्ये दोन दिवसांपूर्वी झालेल्या पावसाचे पाणी साचून तळ्याचे स्वरूप आले होत. आळेफाटा हे बसस्थानक पुणे-नाशिक व नगर-कल्याण या दोन राष्ट्रीय महामार्गावरील मध्यवर्ती ठिकाण असून येथील बसस्थानकावर दररोज तीनशे ते साडेतीनशे एस.टी.बसेस येजा करतात. त्यामुळे या ठिकाणी नेहमीच गर्दी असते. परंतु या ठिकाणी आल्यानंतर प्रवाशांना बसमध्ये चढताना तसेच उतरताना पाण्यामधूनच उभे राहून बसावे लागत आहे. खड्यांमध्ये असलेले पाणी प्रवाशांच्या अंगावर उडत असल्याने प्रवासी व बसचालक यांच्यामध्ये नेहमी वाद होताना दिसून येत आहे. त्यामुळे पावसाळा लवकरच चालु होणार असल्याने येथील बसस्थानकातील खड्डे लवकरात लवकर बुजवावेत अशी मागणी प्रवाशांकडून होत आहे.