आळेफाटा, ता. ३१ : राजुरी (ता. जुन्नर) येथील ग्रामपंचायतीच्या २०२५-२६ च्या ५ टक्के दिव्यांग कल्याण निधीतून ११६ लाभार्थ्यांना तीन लाख ६४ हजार ९८३ रुपये निर्वाह भत्त्याचे वाटप सरपंच प्रिया हाडवळे, उपसरपंच माऊली शेळके यांच्या हस्ते करण्यात आले. या प्रसंगी सदस्य एम. डी. घंगाळे, एकनाथ शिंदे, चंद्रकांत जाधव, शाकीर चौगुले, सखाराम गाडेकर, रंगनाथ औटी, गौरव घंगाळे, मीना आवटे, शीतल हाडवळे, सुप्रिया औटी, निर्मला हाडवळे, सुवर्णा गटकळ, राजश्री रायकर, किशोरी औटी, रूपाली औटी, ग्रामविकास अधिकारी संदीप ढोरे, नितीन औटी आदी उपस्थित होते.
दिव्यांग बांधवांसाठी जास्तीत जास्त योजना राबवून लाभ देण्याचा प्रयत्न केला जाईल, असे आश्वासन प्रिया हाडवळे यांनी दिले. जी. के. औटी यांनी सूत्रसंचालन केले.