आळेफाटा, ता. १ : आळेफाटा येथील बाजारात रविवारी (ता. २९) डाळिंबाच्या २० किलोच्या एका क्रेटला प्रतवारी नुसार ७ हजार रुपयांचा उच्चांकी बाजारभाव मिळाला, अशी माहिती जुन्नर कृषी उत्पन्न बाजार समितीने दिली. बाजारात २३५१ विक्रमी क्रेटची आवक झाली होती.
बाजारात दोन नंबर डाळिंबाच्या क्रेटला चार हजार रुपयांचा बाजारभाव मिळाला आहे. तीन नंबरला एक हजार ५०० तर चार नंबरच्या एका वीस किलोच्या क्रेट ला ५०० रुपयांचा बाजारभाव मिळाला.तसेच
दरम्यान, आळेफाटा येथील या बाजार समितीत पारनेर, संगमनेर, श्रीगोंदा, कर्जत, जामखेड, शिरूर, अहिल्यानगर येथून शेतकरी डाळिंब विक्रीसाठी येत आहेत. पुणे आणि नगर जिल्ह्यासाठी ही महत्त्वाची बाजार पेठ असून, रविवारी झालेल्या मोंढयात चांगला बाजार मिळाला आहे अशी माहिती डाळिंब आडतदारांनी दिली.