आळेफाटा, ता.१३ : राजुरी (ता.जुन्नर) येथे पहिल्यांदाच बुधवारी (ता.१३) ड्रोनद्वारे सोयाबीन पिकावर तणनाशक फवारण्यात आले. ड्रोनमुळे वेळ, पैसे व श्रमाची बचत होत आहे. त्यामुळे शेतकऱ्यांचा ड्रोनकडे वापराकडे कल वाढला आहे.
पंपाद्वारे फवारणी केली असता एका एकरास बाराशे ते तेराशे रुपये खर्च येतो. तसेच औषधेही खूप वाया जाते. परंतु ड्रोनद्वारे तणनाशक फवारणी केली असता एकरी फक्त सातशे रुपये येता. ड्रोनद्वारे सोयाबिन, बाजरी, मूग, उडीद, गहू, हरभरा, तूर तसेच ऊस मका व सर्व प्रकारच्या पिकांना फवारणी करता येत आहे.
फवारणीसाठी इस्राईलमधून ड्रोन मागविला आहे. त्यात दहा लिटर औषध बसते. इतकी त्याची क्षमता आहे. तो राजुरी येथील विविध कार्यकारी सहकारी सोसायटीच्या मालकीचा असून, शेतकऱ्यांना औषध फवारणीसाठी उपलब्ध केला जातो, असे ड्रोनचे ऑपरेटर ऋषिकेश औटी यांनी सांगितले.
राज्य शासनाच्या कृषी विभागाच्या योजनेतून राजुरी सहकारी सोसायटीला ड्रोन मिळाला आहे. तालुक्यात प्रथमच सोसायटीला हा मान मिळाला. याद्वारे विद्राव्य खते व औषधांची बचत होते. केवळ सात मिनिटांत एक एकर क्षेत्रावर फवारणी होते. त्यामुळे शेतकऱ्यांनी अत्याधुनिक तंत्राचा वापर करून अधिक उत्पादन घ्यावे. यासाठी ड्रोनद्वारे कीटकनाशकांची फवारणी करावी, असे वल्लभ शेळके यांनी सांगितले.

06838